საქართველოს პარლამენტის თავმჯდომარის, ირაკლი კობახიძის ორგანიზებით საარჩევნო კანონმდებლობის რეფორმის საკითხებზე, დღეს პირველი სამუშაო შეხვედრა გაიმართება. როგორც "ინტერპრესნიუსს" პარლამენტის თავმჯდომარის პრესსამსახურში განუცხადეს, პირველ სამუშაო შეხვედრაზე მოწვეულნი არიან როგორც საპარლამენტო, ასევე არასაპარლამენტო ოპოზიციის წარმომადგენლები, რომლებიც საკითხზე თავიანთ მოსაზრებებს წარმოადგენენ.

გარდა კვალიფიციური პოლიტიკური სუბიექტებისა, სამუშაო ჯგუფში მონაწილეობა შეუძლიათ არასამთავრობო სექტორისა და სახელმწიფო უწყებების წარმომადგენლებს.