საქართველოს კონსული - 2019 წელს ისრაელიდან, დაახლოებით, საქართველოს 500-მდე მოქალაქის დეპორტაცია მოხდა, 2018 წელს - 856-ის

დასამალი არ არის, იყო გარკვეული პრობლემები, როდესაც ხდებოდა უვიზო მიმოსვლის ბოროტად გამოყენება - ამის შესახებ „ინტერპრესნიუსს“ ისრაელში საქართველოს კონსულმა ალექსანდრე ჯიშკარიანმა განაცხადა.

კონსულის განმარტებით, არალეგალური მიგრაციის პრობლემა განსაკუთრებით მწვავედ 2016-2017 წლებში იდგა, თუმცა ბოლო პერიოდში ვითარება დარეგულირდა. როგორც ალექსანდრე ჯიშკარიანი ამბობს, საქართველოს მოქალაქეები ჯერ ტურისტულად ჩადიოდნენ ისრაელში, შემდეგ კი სამუშაოდ რჩებოდნენ, რაც კანონსაწინააღმდეგო ქმედებაა.

„ისრაელთან ზოგადად, ძალიან მჭიდრო ურთიერთობები გვაკავშირებს. განსაკუთრებით მიგრაციის კუთხით, ისრაელთან ურთიერთობა გააქტიურდა უვიზო მიმოსვლის რეჟიმის ამოქმედების შემდეგ.

2014 წელს შევიდა ხელშეკრულება ძალაში, ამ ხელშეკრულების შემდეგ, თითქმის 90 000 -მდე საქართველოს მოქალაქემ შეძლო ამ რეჟიმით სარგებლობა. ბევრი მათგანი ჩამოვიდა მოსალოცად, მოსანახულებლად. დასამალი არ არის, იყო გარკვეული პრობლემები, როდესაც ხდებოდა უვიზო მიმოსვლის ბოროტად გამოყენება იმ კუთხით, რომ მოქალაქეები დაინტერესებული იყვნენ ისრაელში სამუშაოდ დასარჩენად. ისინი შემოდიოდნენ ტურისტულად და შემდეგ რჩებოდნენ ისრაელში სამუშაოდ, რაც კანონსაწინააღმდეგო ქმედებაა და ისრაელის შესაბამისი სამსახურები, რა თქმა უნდა, ამის წინააღმდეგ ღონისძიებებს ატარებენ.

აღნიშნული პრობლემა 2016-2017 წლებში უფრო მწვავედ იდგა ბოლო ბერიოდში ვითარება საგრძნობლად არის დარეგულირებული და მიგრაციის კუთხით ჩვენ ძალიან სერიოზული შედეგები გვექნება, რასაც საზოგადოება უახლოეს მომავალში შეიტყობს. მიმდინარე წელს, ჩვენს ხელთ არსებული ინფორმაციით, ისრაელიდან დაახლოებით საქართველოს 500-მდე მოქალაქის დეპორტაცია განხორციელდა, წინა წელს ეს მაჩვენებელი იყო დაახლოებით 856-ს შეადგენდა“, - აღნიშნა ალექსანდრე ჯიშკარიანმა.

იხილეთ ვიდეო: საქართველოს რამდენი მოქალაქის დეპორტაცია მოხდა 2019 წელს ისრაელიდან?

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო