საქართველოს კონსული - ისრაელში დაკავებულ საქართველოს მოქალაქეებს უმოკლეს ვადებში მიეცემათ შესაძლებლობა, რომ დაუკავშირდნენ ოჯახის წევრებს

ისრაელში საქართველოს კონსულის განმარტებით, სადეპორტაციო ცენტრი, რომელშიც საქართველოს მოქალაქეები არიან მოთავსებულები, საბაზისო სტანდარტებს შეესაბამება. როგორც ალექსანდრე ჯიშკარიანი „ინტერპრესნიუსთან“ საუბარში აღნიშნავს, ისრაელის სადეპოტრაციო ცენტრში მოქალაქეებს შესაძლებლობა აქვთ, საჭიროების შემთხვევაში დაუკავშირდნენ ოჯახის წევრებს და დაკავებულ საქართველოს მოქალაქეებსაც უმოკლეს ვადებში მიეცემათ შესაძლებლობა, რომ დაუკავშირდნენ ოჯახის წევრებსა და დიპლომატიურ წარმომადგენლობას.

„სადეპორტაციო ცენტრი არის ისრაელში ერთადერთი, ანუ ყველა ქვეყნის მოქალაქის დეპორტაციამდე განთავსება ხდება ამ ცენტრში. ეს ცენტრი შეესაბამება საბაზისო სტანდარტებს. მოგეხსენებათ ისრაელი განვითარებული ქვეყანაა და გარკვეული სტანდარტების დაკმაყოფილება ამ კუთხით მათ უწევთ. მოქალაქეებს იქ აქვთ შესაძლებლობა, საჭიროების შემთხვევაში დაუკავშირდნენ ოჯახის წევრებს. გუშინ დაკავებულ პირებს უმოკლეს ვადებში მიეცემათ შესაძლებლობა, რომ დაუკავშირდნენ ოჯახის წევრებსა და დიპლომატიურ წარმომადგენლობას. იქ მუდმივად მობილიზებულია სამედიცინო ჯგუფი იმ შემთხვევაში, თუ მოქალაქეებს დასჭირდებათ შესაბამისი სამედიცინო დახმარება. შეიძლება ითქვას, რომ ბოლო წლების განმავლობაში, არასდროს არ ყოფილა რაიმე განსაკუთრებული შემთხვევა უფლებების დარღვევის ან რაიმე განსაკუთრებულად მძიმე პირობების თვალსაზრისით“, - განაცხადა ალექსანდრე ჯიშკარიანმა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)