ფრაქცია “ნაციონალური მოძრაობა“ მარეგულირებელი ორგანოების შექმნის შეზღუდვის საკანონმდებლო ინიციატივით გამოდის.

ფრაქციის მიერ მომზადებული კანონპროექტის მიხედვით, შეიზღუდება ახალი მარეგულირებელი ორგანოს შექმნა, გარდა იმ შემთხვევებისა, რომელიც საქართველოს მიერ გაფორმებული საერთაშორისო შეთანხმებებით და ხელშეკრულებებით იქნება გათვალისწინებული.

როგორც ფრაქციის თავმჯდომარე რომან გოცირიძე განმარტავს, პროექტის მიღება გამოიწვევს თავისუფალი სამეწარმეო გარემოს შენარჩუნებას, რაც თავის მხრივ, ეკონომიკური ზრდის წინაპირობების შექმნას და ახალი სამუშაო ადგილების წარმოქმნას უზრუნველყოფს.