ზაზა ვაშაყმაძე  სემინარზე „ტერორიზმის გამომწვევი ძალადობრივი ექსტრემიზმი და რადიკალიზაცია“  მოხსენებით გამოვიდა

სასტუმრო ქორთიარდ მერიოტში OSCE (ეუთო)-ს ორგანიზებით სემინარის - „ტერორიზმის გამომწვევი ძალადობრივი ექსტრემიზმი და რადიკალიზაცია: საზოგადოებრივი მიდგომა“ მეორე დღე გაიმართა.

სემინარის თემები გახლდათ საზოგადოებაზე ორიენტირებული პოლიციის და სექტორული თანამშრომლობის მიდგომები; სამოქალაქო საზოგადოების ჩართულობა, ტერორიზმის გამომწვევი ძალადობრივი ექსტრემიზმისა და რადიკალიზაციის წინააღმდეგ ბრძოლის მიმართულებით, ასევე, სამომავლოდ: ტერორიზმის გამომწვევი რადიკალიზაციისა და ძალადობრივი ექსტრემიზმის პრევენციისა და მის წინააღმდეგ ბრძოლის ეფექტური პოლიტიკა და ზომები საქართველოში და მის ფარგლებს გარეთ.

სემინარის რიგით მე-5 სესიაზე სიტყვით გამოვიდა რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, რომელმაც ისაუბრა სააგენტოს საქმიანობის შესახებ. მან ევროპელ სტუმრებს გააცნო საქართველოში არსებული ვითარება რელიგიის კუთხით და სააგენტოს მიერ განხორციელებული ღონისძიებები, ასევე ისაუბრა იმ ტოლერანტულ გარემოზე, რაც ახასიათებს ჩვენ ქვეყანას.

ტრადიციულ და რელიგიურ მშვიდობისმყოფელთა ქსელის წარმომადგენელმა ფინეთიდან, მილა პერუგანკასიმ, დადებითად შეაფასა სააგენტოს საქმიანობა და აღნიშნა, რომ ქართული გამოცდილების გაზიარება მნიშვნელოვანია.

„თქვენ უფრო წინ ხართ წასული, ვიდრე ბევრი ევროპული სახელმწიფო და თქვენგან ბევრი უნდა ვისწავლოთ“, - განაცხადა მან.

მან ასევე განსაკუთრებით ყურადღება გაამახვილა საქართველოს მთავრობის წარმომადგენლების მიერ რელიგიური უმცირესობების დღესასწაულების მოლოცვის ფაქტებზე (მეჩეთში და სინაგოგაში პრემიერ-მინისტრის და მთავრობის წევრების მისვლა და იფტარის გამართვა სახელმწიფოს სახელით), რაც მისი თქმით დიდი მესიჯია, რომელსაც აუცილებლად გადასცემს თავისი ქვეყნის წარმომადგენლებს.

სემინარში ასევე მონაწილეობდნენ: ევგენია პავლოვა - უკრაინული ფონდი ბავშვთა უფლებებისათვის, პოლონეთის ანტიდისკრიმინაციული კანონის საზოგადოების ადვოკატირების ოფიცერი - ელიზა რუტინოვსკა, ოსლოს პოლიციის რადიკალიზაციის წინააღმდეგ ბრძოლის ოფიცერი - ოლე კრისტიან ლინდსტადი, კანადის პოლიციის ეროვნული უსაფრთხოების ჯგუფის წარმომადგენელი - ამბერდია სოვდი და სხვა.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში