მთავრობის ადმინისტრაციასთან პოლიციელებმა რამდენიმე პირი დააკავეს. სამართალდამცველებსა და კონტრაქციის მონაწილეებს შორის შეხლა-შემოხლაა. ისინი დაკავებულების გათავისუფლებას ითხოვენ. სიტუაციის განმუხტვა ჯერ ვერ ხერხდება.
დაპირისპირება მას შემდეგ დაიწყო, რაც სახელმწიფო კანცელარიასთან კონტრაქციის მონაწილეებმა პოლიციის კორდონის გარღვევა სცადეს იმისთვის, რომ მისულიყვნენ ლგბტ აქტივისტების აქციასთან, თუმცა მათ ამის საშუალება პოლიციამ არ მისცა. ისინი შეძახილებით მიმართავენ ლგბტ აქტივისტებს, რომ დატოვონ ტერიტორია და შეწყვიტონ აქცია.
როგორც ჟურნალისტებს კონტრაქციის მონაწილე გურამ ფალავანდიშვილმა განუცხადა, თუ მათ არ მიეცემათ ლგბტ აქტივისტებთან მისვლის საშუალება, პოლიციის კორდონს გაარღვევენ.
ამ დროისთვის კანცელარიასთან ორი აქცია მიმდინარეობს. ერთ აქციას მართავს ლგბტ თემი, ხოლო მეორე აქციას კი მათი მოწინააღმდეგეები. ადგილზე მობილიზებულია სამართალდამცველთა დიდი რაოდენობა.
დაკავების კადრები კანცელარიიდან - დაპირისპირება პოლიციასა და კონტრაქციის აქტივისტებს შორის