ჩინეთის ცენტრალურმა მთავრობამ გამოაქვეყნა განცხადება, რომელშიც მხარი დაუჭირა ჰონგ კონგის ადგილობრივი ხელისუფლების გადაწყვეტილებას, ექსტრადიციის კანონის განხილვის გადადების შესახებ. „მხარს ვუჭერთ, პატივს ვცემთ და გაგებით ვეკიდებით ჰონკონგის გადაწყვეტილებას“, - ნათქვამია განცხადებაში. ამას გარდა, პეკინის ხელისუფლებამ დაგმო ძალადობრივი მოქმედებები ჰონკონგში და მხარი დაუჭირა პოლიციას.
ასევე გამოქვეყნდა ჩინეთის საგარეო საქმეთა სამინისტროს განცხადება, რომლის თანახმადაც, „ჰონკონგში მიმდინარე მოვლენები ჩინეთის საშინაო საქმეა და არც ერთ ქვეყანას, ორგანიზაციას ან პიროვნებას არ აქვს მასში ჩარევის უფლება“. სამინისტროს წარმომადგენელმა გენ შუანმა განაცხადა, რომ ურყევია ჩინეთის გადაწყვეტილება, დაიცვას ქვეყნის სუვერენიტეტი და უსაფრთხოება, ასევე უზრუნველყოს ჰონგ კონგის სტაბილურობა და განვითარება.