ლევან ვასაძის განცხადებებთან დაკავშირებით დაწყებული გამოძიების ფარგლებში დიღმის სამმართველოში 8 პირის გამოკითხვა მიმდინარეობს

ეს ადამიანები გაერთიანდნენ ამ ჯგუფში მოხალისეებად, ჩვენ არც შეიარაღებული და არც ბანდიტური ორგანიზაცია არ შეგვიქმნია, - ამის შესახებ დიღმის პოლიციის სამართველოსთან ე.წ. სახალხო ლეგიონის წევრების ადვოკატმა დავით ცინცქილაძემ განაცხადა. დიღმის სამართველოსთან ადვოკატი მისი დაცვის ქვეშ მყოფებთან, ჯაბა მუსელიანთან და მერაბ როდონაიასთან ერთად გამოცხადდა, რომლებიც გამოკითხვაზე არიან დაბარებულები.

ადვოკატის თქმით, მისთვის უცნობია, თუ რა მუხლით მოხდა ამ პირების გამოკითხვაზე დაბარება. ადვოკატის თქმით, მისი დაცვის ქვეშ მყოფების უწყებაში დაბარებას ლევან ვასაძის მიერ ე.წ სახალხო პატრულირებისთვის მოხალისებაად ჩაწერას უკავშირებს. ადვოკატის ინფორმაციით, სულ 30 პირის გამოკითხვა იგეგმება.

"სულ რამდენიმე საათის წინ დაგვიკავშირდნენ გვთხოვეს, რომ მოვსულიყავით სამმართველოში გამოკითხვის მიზნით. ჩემს კითხვაზე, თუ რომელ სისხლის სამართლის საქმეზე ვართ დაბარებული, გამომძიებელმა გვიპასუხა, რომ როცა მოვიდოდით, მაშინ გაგვცემდა კითხვებზე პასუხს, რაც მიმაჩნია რომ კანონის უხეში დარღვევაა. ჩვენ გადავწყვიტეთ, რომ დღესვე მოვსულიყავით აქ. ჩემი დაცვის ქვეშ მყოფები არიან სუდანაშაულოები საერთოდ გაკვირვებულები არიან, თუ რატომ იბარებენ მათ. ჩემი ინტუიციით, ეს დაბარება დაკავშირებულია დღეს შსს-ს მიერ გავრცელებულ ინფორმაციასთან, თითქოს ლევან ვასაძემ შექმნა რაღაც ჯგუფი. ეს ადამიანები არიან საერთო სახალხო მოძრაობის წევრები, ისინი არიან თვითორგანიზებული ჯგუფების მონაწილეები, გულანთებული ქართველები, რომლებიც არიან იმ აზრზე და მეც მიმაჩნია, რომ ეს ჭეშმარიტი აზრია,რომ საქართველოში არ უნდა ჩატარდეს ლიბერალისტების, სატანისტების, მამათმავლების უკუღმართების აღლუმები. ეს ადამიანები გაერთიანდნენ ამ ჯგუფში მოხალისეებად ამ ყველაფრის წინააღმდეგ. ჩვენ არც შეიარაღებული და არც ბანდიტური ორგანიზაცია არ შეგვიქმნია"-განაცხადა ადვოკატმა.

ამ წუთებში დიღმის სამართველოში გამოკითხვაზე სულ 8 პირი იმყოფება.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ