ჩვენი პოზიციაა, “ოცნება” ისე უნდა წავიდეს ხელისუფლებიდან, რომ “ნაცები” ვერ დაბრუნდნენ, - ამის შესახებ მოძრაობა “დაიცავი საქართველოს” მიერ გავრცელებულ განცხადებაშია ნათქვამი, რომელიც მართლმადიდებლობის საპარლამენტთაშორისო ასამბლეის სხდომაზე რუსი დეპუტატის, სერგეი გავრილოვის მონაწილეობას უკავშირდება.
როგორც განცხადებაშია აღნიშნული, „ნაციონალურმა მოძრაობამ“ რუსეთი ტანკებით შემოიყვანა საქართველოში, ხოლო „ქართულმა ოცნებამ“ პარლამენტის თავმჯდომარის სავარძელში „დააბრძანა.“
„ჩვენი პოზიციაა, რომ “ოცნება” ისე უნდა წავიდეს ხელისუფლებიდან, რომ “ნაცები” ვერ დაბრუნდნენ, დღეს კიდევ ერთხელ დადასტურდა. “ნაცებმა” ტანკებით შემოიყვანეს რუსეთი საქართველოში, ხოლო “ოცნებამ” წითელი ხალიჩა დაუფინა და პარლამენტის მთავარ სავარძელში დააბრძანა. ჩვენი პროტესტის გამოსახატავად ვიკრიბებით 19:00 საათზე ოპერის თეატრთან,“ - ნათქვამია განცხადებაში.