ირმა ინაშვილი -  „პატრიოტთა ალიანსი“  ზნეობისთვის ბრძოლას  მხარს უჭერს

„პატრიოტთა ალიანსი“ ბიზნესმენ ლევან ვასაძეს მხარდაჭერას უცხადებს. როგორც „პატრიოტთა ალიანსის“ ლიდერი ირმა ინაშვილი აცხადებს, ლევან ვასაძე იმ პოზიციის გამო გახდა შეტევისა და ბულინგის მსხვერპლი, რაც მას ლგბტ თემის ღონისძიებებთან დაკავშირებით აქვს.

„ინტერპრესნიუსი“ ირმა ინაშვილის განცხადებას უცვლელად გთავაზობთ:

„რამდენიმე დღეა არ წყდება უკიდეგანო შეურაცხყოფის ნიაღვარი ლევან ვასაძის მიმართ. რასაც ვაკვირდები, საქმე იმაში არაა, ბრძოლის რა მეთოდი აირჩია ვასაძემ. თუ უფრო ღრმად გავაანალიზებთ პროცესს, დავინახავთ, რომ ვასაძე სწორედ მისი პოზიციის გამო აღმოჩნდა მიზანმიმართული შეტევის ქვეშ! და რა პოზიციაა ეს? რაც აქვს ქართველი ხალხის უმრავლესობას- ლგბტ თემის ღონისძიებები რეალურად პროპაგანდის რეჟიმშია გადასული, წლების მანძილზე მიდის ცხოვრების ამ წესის აქტიური პროპაგანდა. მეტიც, მიდის პროპაგანდა, რომ მართლმადიდებელები ჩაგრავენ უმცირესობას. არადა, ყველაფერი პირიქითაა და ჩვენ ამაზე ბევრჯერ გვისაუბრია. ჯერ კიდევ 2014 წელს შევაგროვეთ 100 000-ზე მეტი ხელმოწერა და მივმართეთ პარლამენტს, რათა აკრძალულიყო ლგბტ პირების ცხოვრების წესის პროპაგანდა, მაგრამ მაშინ პარლამენტმა ეს მიმართვა და 100 000 ხელმოწერა არაფრად ჩააგდო. არავინ არავის არ ერჩის, კაცთა კვლისა და ცემა-ტყეპის მომხრე ვინაა? მაგრამ როდესაც ლგბტ ჯგუფები სკოლების, საბავშვო ბაღების, ცენტრალური პროსპექტების სივრცეში ცდილობენ მსვლელობების და ახლა უკვე ე.წ. „თბილისი პრაიდის“ გამართვას, ქართველი ხალხის სრული უმრავლესობისათვის ეს სწორედ პროპაგანდას ნიშნავს. არავის უნდა, რომ მისი მცირეწლოვანი შვილის თვალწინ ხდებოდეს ის, რაც ჩვენი რწმენის, ზნეობის, ტრადიციების მიღმაა.

ვასაძე სწორედ ამ პოზიციის დაცვით გამოვიდა ვერის ბაღში- ზნეობრივი პოზიციის დაცვით! არ შეიძლება, რომ ეს პოზიცია, თუნდაც, ვიღაცისთვის მიუღებელი, გახდეს ლევან ვასაძეზე უწყვეტი თავდასხმის, შეურაცხყოფის, ლანძღვის მიზეზი, რამაც ყოველგვარ ადამიანურ ზღვარს გადააბიჯა. ახლა გადახედეთ იმ პოლიტიკურ პარტიებს, არასამთავრობო ორგანიზაციებს, მედიას და ცალკეულ ენთუზიასტებს, რომლებიც ვასაძის ბულინგით არიან დაკავებულნი და დარწმუნებული ვარ, დასკვნებს მარტივად გამოიტანთ. ჩვენ ზნეობისთვის ბრძოლას ვუჭერთ მხარს. ჩვენი პოლიტიკური გუნდი- პატრიოტთა ალიანსი ზნეობისთვის ბრძოლას უჭერს მხარს!“ - აცხადებს ირმა ინაშვილი.

აღნიშნულ ინფორმაციას „პატრიოტთა ალიანსის“ პრესსამსახური ავრცელებს.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!