მამუკა მდინარაძე  ჟურნალისტებს - როგორ წარმოგიდგენიათ, მინისტრი გახარია ვინმეს სხეულის დაზიანების ბრძანებას გასცემდა?

საზოგადოების მოთხოვნა არ არის გახარიას გადადგომა, იქიდან გამომდინარე, რომ საზოგადოება ზუსტად ხედავს ვინ როგორ მოქმედებდა. ვინ გამოიყენა ადეკვატური ძალა, ვინ იყო იძულებული ასე გაეკეთებინა,-ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ ჟურნალისტებს განუცხადა.

მდინარაძის თქმით, როდესაც მას ჟურნალისტები კადრებზე მიუთითებენ და ამბობენ, რომ მოხდა პოლიციის მხრიდან ძალის გადამეტება, იმ კადრებში ისიც კარგად ჩანს, თუ ვინ გადაამეტა უფლებამოსილებას.

მდინარაძე მიიჩნევს, რომ პირველ რიგში იმ ადამიანების პასუხისმგებლობის საკითხი უნდა დადგეს, ვინც განვითარებული მოვლენების პროვოცირება მოახდინა. გარდა ამისა, იმ კონკრეტული პირების პასუხისმგებლობის საკითხი უნდა იქნას დაყენებული, ვინც უფლებამოსილებას გადაამეტა და შედეგად ძალიან მძიმე შედეგი დადგა.

„ყოველგვარი მორიდების გარეშე გეტყვით, რომ ძალიან მიკვირს , როდესაც პოლიტიკურ პასუხისმგებლობაზე საუბრობთ და არ ახსენებენ ოპოზიციას. არ ახსენებენ, იმ პოლიტიკურ სუბიექტებს და პოლიტიკოსებს, რომლებიც მოუწოდებდნენ საქართველოს პარლამენტის შტურმით აღებისაკენ,რომლებიც მოუწოდებდნენ ძალადობისკენ. როდესაც მართლაც საშინელი სანახავია და მართლაც ძალიან განვიცდით თითოეული ჩვენგანი თითოეული ადამიანის ჯანმრთელობის მდგომარეობას. ამასთან დაკავშირებით თუ ვერ ხედავს რომელიმე ჟურნალისტი თუ მოქალაქე პოლიტიკურ პასუხისმგებლობას, ვინც ამ ყველაფრის ინსპირაცია, პროვოკაცია მოახდინა და ამ ყველაფერმა გამოიწვია ის, რომ პოლიციას მოუწია ძალის გამოყენება, ამაში მე მგონია, რომ ცოტა პარადოქსულ ვითარებას უნდა ვხედავდეთ. როდესაც საუბარია, რომ გახარიამ უნდა აიღოს პოლიტიკური პასუხისმგებლობა, დავიწყოთ თავიდან. პოლიტიკური პასუხისმგებლობა პარლამენტში დაშვებულ შეცდომაზე, მიუხედავად სხვადასხვა გარემოებებისა, აიღო საქართველოს პარლამენტის თავმჯდომარემ. რაც შეეხება აქციასთან დაკავშირებით, აქ პირველ რიგში უნდა აიღონ იმ ოპოზიციონერებმა, ვინც მოუწოდებდნენ. სამართლებრივი პასუხისმგებლობა უნდა დადგეს იმ ადამიანების, ვინც გადაამეტა უფლებამოსილებას და გასცდა ბრძანებას, გასცდა კანონს და თავის დებულებას, მაგრამ აქ საუბარი არ შეიძლება იყოს მინისტრზე, რომელიც მოქმედებდა ადეკვატურად , გასცემდა ადეკვატურ ბრძანებებს. თქვენ როგორ წარმოგიდგენიათ, რომ მინისტრი გახარია ვინმეს სხეულის დაზიანების ბრძანებას გასცემდა იმ დღეს? როგორ წარმოგიდგენიათ?“-განაცხადა მდინარაძემ.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება