ირაკლი ოქრუაშვილი - 0%-იანი ბარიერით პროპორციული არჩევნების შემოთავაზება სხვა არაფერია, თუ არა ივანიშვილის მიერ, თაღლითური სქემით ძალაუფლების შენარჩუნება

ნუ დავიწყებთ აჟიტირებას შემოთავაზებული პროპორციული არჩევნების შედეგად და კარგად გავაცნობიეროთ რასთან გვაქვს საქმე. ეს არის ივანიშვილის მცდელობა შეინარჩუნოს ძალაუფლება და გაიხანგრძლივოს კიდევ უფრო დიდხანს,-ასე მიმართავს პოლიტიკური მოძრაობა „გამარჯვებული საქართველოს“ ლიდერი ირაკლი ოქრუაშვილი პოლიტიკურ სპექტრს და გადაწყვეტილებას „თაღლითურ სქემად“ აფასებს.

„დღეს, ივანიშვილის მიერ პროპორციული არჩევნების შემოთავაზება გახლავთ ჩვენი ახალგაზრდების და არამარტო ახალგაზრდების შეუპოვარი ბრძოლის ნაწილობრივი შედეგი. ამიტომ , მინდა, მადლობა გადავუხადო ჩვენი მოძრაობის სახელით მათ. რატომ ნაწილობრივ: 0%-იანი ბარიერით პროპორციული არჩევნების შემოთავაზება სხვა არაფერია თუ არა ივანიშვილის მიერ, თაღლითური სქემით ძალაუფლების შენარჩუნების გზა და ძალიან ბევრი პოლიტიკური პარტია, რომელიც ამას მიესალმება უნდა აცნობიერებდეს, რომ შეიძლება აღმოჩნდეს პოლიტიკურ ხაფანგში. ეს გახლავთ პრაქტიკურად და შინაარსობრივად მაჟორიტარული სისტემის შენარჩუნება, როდესაც ივანიშვილი დღეს არსებულ, ან ახალ მაჟორიტარებს შეაქმნევინებს პარტიებს და მათი მეშვეობით შეეცდება შეინარჩუნოს პარლამენტში უმრავლესობა.

ყოველივე ამის შედეგად, ჩვენ მოვითხოვთ, რომ პროპორციული არჩევნების ჩატარების მიზნით შეიქმნას სახალხო ნდობის მთავრობა, რომელიც უზრუნველყოფს ახალი არჩევნების სამართლიანად ჩატარებას. ჩვენ მოვითხოვთ, რომ რიგითი პროკურორის თანამდებობაზე დაინიშნოს სახალხო ნდობის მქონე პიროვნება, რომელიც გამოიძიებს სამი დღის წინანდელ მოვლენებს, რომელსაც ადგილი ჰქონდა რუსთაველის გამზირზე. ჩვენ ასევე მოვითხოვთ, დაუყოვნებლივ იქნან გათავისუფლებული ის ადამიანები, რომლებიც არიან დაკავებულები და რომელთა დაკავების საფუძველიც არსებულ რეჟიმს არ გააჩნია“,-აცხადებს ოქრუაშვილი.

იგი 20 ივნისის ღამეს განვითარებულ მოვლენებსაც გამოეხმაურა და აღნიშნა, რომ შს მინისტრმა პოლიტიკური პასუხი უნდა აგოს და თანამდებობიდან გადადგეს.

იხილეთ ვიდეო

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)