გადაწყვეტილება, რომ გახარია მოიყვანონ ამ ფონზე პარლამენტში, ეს არის უბრალოდ სახეში სილის გაწნა ყველა ჩვენი მოქალაქისთვის, - ამის შესახებ „ნაციონალური მოძრაობის“ წევრმა სალომე სამადაშვილმა ჟურნალისტებს განუცხადა.

„ქართული ოცნება“, რომელიც არის უკვე სრულიად გაკოტრებული პოლიტიკური ძალა, თუ ამ ნაბიჯს მაინც გადადგამს, იმის ნაცვლად, რომ გახარიამ დატოვოს თანამდებობა და მას აქ მოუსმენს ჩვეულებრივ რეჟიმში საქართველოს პარლამენტში, ამით ისინი უბრალოდ გაამრავლებენ იმ ადამიანების რიცხვს, რომლებიც ყოველდღე დადგება პარლამენტის წინ. ისინი იქნებიან უკვე არამარტო გახარიას გადადგომის, არამედ დაუყოვნებლივ მთელი მთავრობის გადაყენების, ვადამდელი საპარლამენტო არჩევნების და ხელისუფლების დაუყოვნებლივ შეცვლის მოთხოვნით",-აცხადებს სამადაშვილი.