ოკუპირებული აფხაზეთიდან, ენგურის ხიდზე საქართველოს მიერ კონტროლირებად ტერიტორიაზე გადმოსვლას 50-მე აბიტურიენტი ელოდება

ოკუპირებული აფხაზეთიდან, ენგურის ხიდზე საქართველოს მიერ კონტროლირებად ტერიტორიაზე გადმოსვლას 50-მე აბიტურიენტი ელოდება. ისინი ე.წ. საზღვართან დილის რვა საათიდან იმყოფებიან.

როგორც „ინტერპრესნიუსს“ ერთ-ერთმა მათგანმა განუცხადა, მათ კატეგორიული უარი მიიღეს გამოშვებაზე.

„სიაში ვინც ვართ აბიტურიენტები, არ გვიშვებენ. ეს სია გუშინ მივაწოდეთ. გვითხრეს, ვინც აბიტურიენტები ხართ, ყველა მიდით გალის პოლიციაში და ჩაეწერეთო. დღეს კი გვეუბნებიან, ვინც იმ სიაში ხართ, იმათ არ გაგიშვებთო“, - ამბობს აბიტურიენტი.

ენგურის ხიდზე მიმოსვლა ამ დრომდე შეზღუდულია. გადაადგილება მხოლოდ „ენგურჰესის“ თანამშრომლებს და ექიმის ცნობის მქონე პირებს შეუძლიათ.