ოკუპირებული აფხაზეთიდან, ენგურის ხიდის ე.წ. გამშვებ პუნქტთან რამდენიმე ახალგაზრდა გამოატარეს

ოკუპირებული აფხაზეთიდან, ენგურის ხიდის ე.წ. გამშვებ პუნქტთან რამდენიმე ახალგაზრდა გამოატარეს. ამის შესახებ „ინტერპრესნიუსს“ ერთ-ერთმა აბიტურიენტმა განუცხადა.

„ჩემთან ერთად ალბათ, ათამდე ბავშვი გამოუშვეს. ახლა მიიღეს ეს გადაწყვეტილება. თქვეს, რომ მხოლოდ იმათ გამოუშვებდნენ, ვისაც წელს ჰქონდა სკოლა დამთავრებული. ბევრი სახლში დაბრუნდა, ბევრი ადგილზე რჩება და ელოდება, რომ გამოუშვებენ. რა პრინციპით ხდება გამოშვება, არ ვიცი. ბევრს უკან აბრუნებენ“, - ამბობს აბიტურიენტი, რომელმაც ზუგდიდში გადმოსვლა შეძლო.

27 ივნისს, საოკუპაციო რეჟიმის მიერ ენგურის ხიდის ჩაკეტვის გამო, აბიტურიენტების ნაწილმა ეროვნულ გამოცდების დღევანდელ სესიაზე მისვლა ვერ მოახერხა. წელს ეროვნულ გამოცდებზე ოკუპირებულ აფხაზეთში მცხოვრები 150-მდე აბიტურიენტია დარეგისტრირებული.

ისინი ოკუპირებულ გალში 27 ივნისს სასკოლო ღონისძიებაზე დასასწრებად ჩავიდნენ. ამავე საღამოს კი საოკუპაციო რეჟიმმა ე.წ. საზღვრის ცალმხრივად ჩაკეტვის გადაწყვეტილება მიიღო. აბიტურიენტების ნაწილმა გამოცდებისთვის გადმოსვლა სხვადასხვა გზებით და მათ შორის, ფულის სანაცვლოდ მოახერხა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს