მეტროსა და ავტობუსებში მგზავრობის საფასურის გადახდა უკვე "ვითიბი ბანკისა” და ბანკი "ქართუს" პლასტიკური ბარათებითაც არის შესაძლებელი

საზოგადოებრივ ტრანსპორტში - მეტროსა და ავტობუსებში მგზავრობის საფასურის გადახდა “საქართველოს ბანკის” პლასტიკური ბარათების გარდა, მგზავრებს უკვე "ვითიბი" ბანკისა და ბანკი "ქართუს" პლასტიკური ბარათებითაც შეუძლიათ.

როგორც "ინტერპრესნიუსს" თბილისის სატრანსპორტო კომპანიაში განუცხადეს, თუკი იქნება სხვა ბანკების თანხმობაც, მათ ჩართვას ამ სისტემაში, “საქართველოს ბანკი” უზრუნველყოფს.

"ავტობუსებსა და მეტროში სხვადასხვა ბარათების მომსახურების სისტემაზე პასუხისმგებელია “საქართველოს ბანკი”, გაბილეთიანების ხელშეკრულების თანახმად. სისტემა ტექნიკურად გამართულია და ამ ეტაპზე სისტემაში ჩაერთო "ვითიბი" ბანკი და "ქართუ". რაც შეეხება სხვა ბანკებს, ეს დამოკიდებულია მათი მხრიდან მზაობაზე და თუკი იქნება სხვა ბანკების თანხმობაც, ტექნიკურად მათ ჩართვას ამ სისტემაში მოლაპარაკების თანახმად, უზრუნველყოფს “საქართველოს ბანკი", - განუცხადეს "ინტერპრესნიუსს" თბილისის სატრანსპორტო კომპანიაში.

შეგახსენებთ, რომ საზოგადოებრივ ტრანსპორტში მგზავრობის საფასურის გადახდის სისტემის მოდერნიზაციის შემდეგ, თბილისის მერიაში აცხადებდნენ, რომ მასში ჩართვა ნებისმიერ ბანკს შეეძლო, მათ შორის, დაანონსებული იყო, რომ სისტემაში „თიბისი“ ბანკიც ჩაერთვებოდა.

ცნობისთვის, „საქართველოს ბანკმა“ გაბილეთიანების სისტემის ოპერირების უფლება 10 წლის ვადით, 2017 წელს მიიღო.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის