სერგი კაპანაძე -  “ქართულმა ოცნებამ” თავისი არითმეტიკა შიგნით უნდა დაალაგოს, დაუჯერებელია, როდესაც ამბობენ, რომ პროპორციულ სისტემაზე გადასასვლელად ხმები არ ექნებათ

ის, რომ მაჟორიტარების ნაწილი არ უჭერს მხარს, გასაგებია და სწორედ ამიტომ უნდა შეიცვალოს ეს სისტემა. სწორედ ისინი არიან თავიანთ ინტერესებს მორგებული და პირდაპირ ემსახურებიან ივანიშვილს, - ამის შესახებ “ევროპული საქართველოს” წევრმა სერგი კაპანაძემ ჟურნალისტებს განუცხადა.

კაპანაძის თქმით, “ევროპული საქართველო” პროპორციულ სისტემაზე გადასვლის თაობაზე მმართველი გუნდის მიერ შეთავაზებულ ვარიანტს დაუჭერს მხარს, რადგან ისიც კი უკეთესია დღეს არსებულ მოდელზე.

“ყველაზე მნიშვნელოვანი არის ის, რომ საბოლოო ჯამში “ქართულმა ოცნებამ” შიგნით უნდა დაალაგოს თავისი არითმეტიკა. სრულიად დაუჯერებელია, როდესაც ისინი ამბობენ, რომ მათ ხმები არ ექნებათ. ჩვენ ოპოზიცია, „ევროპული საქართველო“ ჩვენი 20 ხმით ვაპირებთ, რომ პროპორციულზე გადასვლას მხარი დავუჭიროთ. რა თქმა უნდა, ვეცდებით, რომ სამუშაო პროცესი პარლამენტის შიგნით გავაუმჯობესოთ. თუ ეს გაუმჯობესება არ გამოვა, იმას, რაც არის შემოთავაზებული მაინც ვაპირებთ, რომ მხარი დავუჭიროთ, რადგან შემოთავაზებული სისტემა არის გაცილებით უკეთესი, ვიდრე დღეს არსებული -მაჟორიტარული”, - აცხადებს სერგი კაპანაძე.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ