თავდაცვის სამინისტროსა და ჩაფიძის კლინიკას შორის მემორანდუმი გაფორმდა

დღეიდან საქართველოს თავდაცვის უწყების თანამშრომლებს, სამხედრო მოსამსახურეებსა და მათი ოჯახის წევრებს „აკადემიკოს გ. ჩაფიძის სახელობის გადაუდებელი კარდიოლოგიის ცენტრში” სხვადასხვა სახის სამედიცინო მომსახურების მიღება შეღავათიან ფასში ან/და უფასოდ შეეძლებათ.

როგორც „ინტერპრესნიუსს“ თავდაცვის სამინისტროდან აცნობეს, სამედიცინო მომსახურების მიზნით, დღეს საქართველოს თავდაცვის სამინისტროსა და შპს „აკადემიკოს გ. ჩაფიძის სახელობის გადაუდებელი კარდიოლოგიის ცენტრს“ შორის ურთიერთანამშრომლობის მემორანდუმი გაფორმდა.

მათივე ინფორმაციით, დოკუმენტს ხელი თავდაცვის მინისტრის მოადგილემ ზაალ კაპანაძემ და სამედიცინო ცენტრის აღმასრულებელმა დირექტორმა რევაზ ჯორბენაძემ მოაწერეს.

თავდაცვის უწყების ცნობით, მემორანდუმის მიზანია თავდაცვის უწყების თანამშრომლებისა და მათი ოჯახის წევრებისათვის სამედიცინო მომსახურების ხელმისაწვდომობის დახვეწა და გაუმჯობესება.

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს