თუ ზაქარია ქუცნაშვილს დეპუტატის უფლებამოსილება 15 ივლისამდე არ შეუწყდება, დუშეთში, თიანეთსა და ყაზბეგში პარლამენტის შუალედური არჩევნები ვეღარ ჩატარდება

იმ შემთხვევაში, თუ “ქართული ოცნების“ დეპუტატს ზაქარია ქუცნაშვილს სადეპუტატო უფლებამოსილება 15 ივლისამდე არ შეუწყდება, დუშეთში, თიანეთსა და ყაზბეგში, რომლის მაჟორიტარიც ქუცნაშვილია, პარლამენტის შუალედური არჩევნები ვეღარ ჩატარდება. შესაბამისად, ამ სამ მუნიციპალიტეტს მოქმედ პარლამენტში საკუთარი წარმომადგენელი აღარ ეყოლება.

როგორც “ინტერპრესნიუსს“ ქუცნაშვილმა განუცხადა, განცხადება მანდატის შეწვეტის თაობაზე მან გასულ კვირას დაწერა და ის განსახილველად მზად არის. თუმცა აღსანიშნავია, რომ საკითხს რეგლამენტით დადგენილი წესით მსვლელობა ჯერ არ მისცემია. უმრავლესობაში ჯერ არც ის იციან, მოწვეული იქნება თუ არა პარლამენტის რიგგარეშე პლენარული სხდომა 15 ივლისამდე.

მაჟორიტარული საარჩევნო ოლქიდან არჩეული პარლამენტის წევრის გამოკლების შემთხვევაში, პარლამენტის შუალედური არჩევნები მაისში ან ოქტომბერში იმართება. “საარჩევნო კოდექსის“ გათვალისწინებით, თუ დეპუტატს უფლებამოსილება 15 თებერვლიდან 15 ივლისამდე უწყდება, შუალედური არჩევნები იმავე წლის ოქტომბერში ტარდება, ხოლო თუ პარლამენტის წევრს უფლებამოსილება 15 ივლისიდან 15 თებერვლამდე შეუწყდა − უახლოეს მაისში. ამასთან, საარჩევნო კანონმდებლობის თანახმად, პარლამენტის მორიგი არჩევნების წელს შუალედური არჩევნები არ იმართება.

შესაბამისად, ქუცნაშვილისთვის სადეპუტატო უფლებამოსილების 15 ივლისის შემდეგ შეწყვეტის შემთხვევაში, დუშეთში, თიანეთსა და ყაზბეგში პარლამენტის შუალედური არჩევნები 2020 წლის მაისში ვეღარ გაიმართება, რადგან 2020 წელი საპარლამენტო არჩევნების წელია.

იხილეთ ვიდეო

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 21.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა