რუსეთის თავდაცვის სამინისტროს ცნობით, 14 მეზღვაური დაიღუპა სამხედრო-საზღვაო ფლოტის სამეცნიერო-კვლევით წყალქვეშა აპარატში გაჩენილი ხანძრის შედეგად. დაღუპულები კვამლით მოიწამლნენ.

წყალქვეშა აპარატი განკუთვნილია ოკეანის ფსკერის კვლევისათვის. ხანძარი პირველ ივლისს გაჩნდა, როდესაც წყალქვეშა აპარატი რუსეთის ტერიტორიულ წყლებში ბიომეტრიულ გაზომვებს აწარმოებდა. ამ დროისთვის ხანძარი ლიკვიდირებულია.

წყალქვეშა აპარატი დაბრუნდა სამხედრო-საზღვაო ბაზაზე სევერომორსკში. გამოძიებას სამხედრო-საზღვაო ფლოტის სარდალი აწარმოებს.