შსს - 20 ივნისის ღამეს პოლიციელების რაოდენობაზე გავრცელებული ინფორმაცია სიცრუეა, რუსთაველზე იმყოფებოდა დაახლოებით 5000 პოლიციელი
20 ივნისის ღამეს პოლიციელების რაოდენობაზე გავრცელებული ინფორმაცია არის სიცრუე. 20 ივნისის ღამეს რუსთაველზე იმყოფებოდა დაახლოებით 5000 პოლიციელი, - ამის შესახებ „ინტერპრესნიუსს“ შსს-ში განუცხადეს.
შსს-ს განმარტებით, დაახლოებით 5000 პოლიციელი ადგილზე მყოფი აქციის მონაწილეების რაოდენობის გათვალისწინებით, საზოგადოებრივი წესრიგისა და უსაფრთხოების დაცვისთვის იყო აუცილებელი და დემონსტრანტთა რაოდენობის პროპორციული.
შეგახსენებთ, რომ „რუსთავი 2“-მა „ევროპული საქართველოს“ ერთ-ერთი ლიდერის გივი თარგამაძეზე დაყრდნობით გაავრცელა ინფორმაცია, რომ აქციის დაშლაში დაახლოებით 15000 პოლიციელი მონაწილეობდა.
