იმისთვის, რომ შედეგს მივაღწიოთ, ვფიქრობთ პროტესტის გამრავალფეროვნებას, ასევე გაიზრდება პროტესტის ლოკაციების რაოდენობა, - ამის შესახებ „პალიტრანიუსის“ გადაცემაში "საღამოს NEWSROOM" აქციის ერთ-ერთმა ორგანიზატორმა მიშა მშვილდაძემ განაცხადა.

„ჩვენთვის პრინციპული საკითხია, რომ სამოქალაქო საზოგადოებამ შეძლო ასეთი აქციების ორგანიზება. მართალია, პოლიტიკური პარტიები არიან წარმოდგენილები, თუმცა ისინი არ არიან ლიდერები. შესაბამისად, სამოქალაქო საზოგადოება ვერ დაუშვებს, რომ ასეთი რწმენა, რომელიც გაჩნდა საზოგადოებაში გაქრეს. ფორმები იქნება მრავალფეროვანი. ეს აქციებიც იქნება შენარჩუნებული, თუმცა მოლაპარაკებების მაგიდასთან გადანაცვლებაზე საერთოდ არ არის საუბარი“, - განაცხადა მშვილდაძემ.