11-12 ივლისს, ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით და MMCI Group - Management Consulting Investment-თან პარტნიორობით, თბილისში გაიმართება მასტერკლასი თემაზე: „როგორ შევქმნათ 5 ვარსკვლავიანი გაყიდვების და კომუნიკაციების სისტემა“. თემის ფარგლებში განხილული იქნება აქტიური გაყიდვების სტრატეგიები და ეფექტური კომუნიკაციების მეთოდები.

როგორც „ინტერპრენიუსს“ ტურიზმის ეროვნული ადმინისტრაციიდან აცნობეს, მასტერკლასს გაუძღვება საერთაშორისო სპიკერი მაიკლ ბენგი, რომელსაც მრავალწლიანი გამოცდილება აქვს გაყიდვების, მოლაპარაკებების, ზოგადად მომსახურების და ინვესტიციების მოზიდვის სფეროში. მაიკლ ბენგი ცნობილია მის მიერ შექმნილი საავტორო პროგრამებით, რომლებიც აქტიურ გაყიდვებს, დროის ეფექტური მართვას და კლიენტთა მომსახურებას უკავშირდება. სხვა დანარჩენ ორგანიზაციებთან ერთად, ბენგს ჩატარებული აქვს ტრენინგები შემდეგ კომპანიებში: Panasonic, Toyota, Volvo, Nestle, Unilever, Heineken.