ოპოზიციური პარტიები - ნიკა მელიას წინააღმდეგ გამოტანილი გადაწყვეტილება, ანტიდემოკრატიული მმართველობის გამოცდილების „საუკეთესო“ მაგალითს წარმოადგენს

პოლიტიკური პარტიები ნიკა მელიასთან დაკავშირებით ერთობლივ განცხადებას ავრცელებენ. როგორც ოპოზიციური პარტიების მიერ გავრცელებულ განცხადებაშია ნათქვამი, ნიკა მელიას წინააღმდეგ სასამართლოს მიერ მიღებული გადაწყვეტილება საქართველოს კონსტიტუციას ეწინააღმდეგება და ანტიდემოკრატიული მმართველობის მაგალითს წარმოადგენს. პარტიები მიიჩნევენ, რომ ხელისუფლება ცდილობს ოპოზიციური პარტიის ლიდერის საპარლამენტო, პოლიტიკური საქმიანობა შეზღუდოს.

„ინტერპრესნიუსი“ პოლიტიკური პარტიების მიერ გავრცელებულ განცხადებას უცვლელად გთავაზობთ:

„ქართული ოცნებისგან“ კონტროლირებადი მურუსიძე-ჩინჩალაძის სასამართლოს მიერ ნიკა მელიას წინააღმდეგ გამოტანილი გადაწყვეტილება, ფაქტობრივად შინაპატიმრობის დაწესებასთან დაკავშირებით, ეწინააღმდეგება საქართველოს კონსტიტუციას და წარმოადგენს ანტიდემოკრატიული მმართველობის გამოცდილების „საუკეთესო“ მაგალითს.

საქალაქო და სააპელაციო სასამართლოების გადაწყვეტილებით, ნიკა მელიას პროკურატურის ნებართვის გარეშე საცხოვრებელი ადგილის დატოვება აეკრძალა. ეს შეზღუდვა მის საპარლამენტო საქმიანობასაც შეეხო. დეპუტატზე ელექტრონული მონიტორინგის დაწესება დემოკრატიული ტრადიციის ქვეყნებში უპრეცედენტოა.

საქართველოს კონსტიტუციისა და კანონმდებლობის შესაბამისად, დაუშვებელია დეპუტატის საპარლამენტო საქმიანობის შეზღუდვა. აშკარაა, ეს ნაბიჯი ხელისუფლების მიერ ოპოზიციური პარტიის ლიდერის საპარლამენტო, პოლიტიკური საქმიანობის შეზღუდვის მცდელობაა და კიდევ ერთხელ ადასტურებს „ქართული ოცნების“ ხელისუფლების პირობებში ქვეყანაში დემოკრატიული ინსტიტუტების შეუქცევადი რღვევის პროცესს.

მიგვაჩნია, რომ თბილისის საქალაქო და სააპელაციო სასამართლოების მოსამართლეების ზემოაღნიშნული გადაწყვეტილებები და საქართველოს სისხლის სამართლის კოდექსის ის ნორმები, რომლებმაც ამ მოსამართლეებს კონსტიტუციის საწინააღმდეგო გადაწყვეტილებების გამოტანის შესაძლებლობა მისცა, საქართველოს საკონსტიტუციო სასამართლოს მსჯელობის საგანი უნდა გახდეს“, - ნათქვამია გავრცელებულ ინფორმაციაში.

განცხადებას ხელს აწერენ პარტიები: „ახალი მემარჯვენეები“; „ახალი საქართველო“; „ახალი ქრისტიან-დემოკრატები“; „გამარჯვებული საქართველო“; „ერთიანი ნაციონალური მოძრაობა“; „ეროვნულ-დემოკრატიული პარტია“; „ევროპული დემოკრატები“; „ევროპული საქართველო“; „ემსახურე საქართველოს“; „თავისუფალი დემოკრატები“; „კანონი და სამართალი“; „ლეიბორისტული პარტია“; „რესპუბლიკური პარტია“; „სამოქალაქო ალიანსი საქართველოსთვის“; „სახელმწიფო ხალხისთვის“; „ქრისტიან-დემოკრატიული მოძრაობა“; „ქრისტიან-კონსერვატორები“.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ