კახა კალაძე ნიკა მელიაზე - ჩვეულებრივად აკეთებს განცხადებებს, საუბრობს ტელევიზიასთან, სამაჯური რა პრობლემას წარმოადგენს?

ჩვეულებრივად აკეთებს განცხადებებს, საუბრობს ტელევიზიასთან, სამაჯური რა პრობლემას წარმოადგენს? - ასე უპასუხა თბილისის მერმა კახა კალაძემ ჟურნალისტების კითხვას „ნაციონალური მოძრაობის“ ლიდერის, ნიკა მელიასთვის ელექტრონული სამაჯურის დამაგრების თაობაზე.

როგორც კალაძემ აღნიშნა, მელიას საქმიანობა ელექტრონული სამაჯურის დამაგრებით არ იზღუდება.

„პროკურატურის და სასამართლოს გადაწყვეტილებაში და კომპეტენციაში შევიდე, სწორი არ იქნება. ზოგადად, ვისაც აქვს დანაშაული ჩადენილი, უნდა აგოს პასუხი. ადამიანურად, რამდენიმე დღის წინაც ვთქვი და ახლაც გავიმეორებ, ადამიანის ციხეში წასვლა არავის უხარია და არავისთვის სასიამოვნო არ არის. მაგრამ პოლიტიკოსებმა კიდევ ერთხელ უნდა გავითვალისწინოთ, რომ გვაქვს ძალიან დიდი პასუხისმგებლობა, არ აქვს ამას მნიშვნელობა ხელისუფლებაში ხარ თუ ოპოზიციაში. ორჯერ და სამჯერ მეტი პასუხისმგებლობა გვაქვს ჩვენ, ვიდრე რიგით ადამიანებს. შესაბამისად, ყველამ კანონის წინაშე უნდა აგოს პასუხი“, - განაცხადა კალაძემ.

ჟურნალისტები დაინტერესდნენ, მელიას გარდა პაუხისმგებლობის საკითხი დაეკისრება თუ არა გიგი უგულავას და ირაკლი ოქრუაშვილს, რაზეც კალაძემ უპასუხა: „ყველას უნდა მოეკითხოს, ვისი პასუხისმგებლობაც იკვეთება. მე არ ვიცი, ვის მიმართ არის ინტერესი“.

რაც შეეხება განცხადებებს, რომ ელექტრონული სამაჯურის დამაგრებით ნიკა მელიას საქმიანობა შეზღუდულია, კალაძეს მიაჩნია, რომ ეს სწორი არ არის.

„რატომ არ ექნება მას უფლება სადეპუტატო საქმიანობა განახორციელოს? ჩვეულებრივად აკეთებს განცხადებებს, საუბრობს ტელევიზიასთან, სამაჯური რა პრობლემას წარმოადგენს? მე როგორც მოვისმინე, ის სამაჯური სხვა მიზნით არის გაკეთებული. პრეცენდენტებზე საუბარი გამიჭირდება“, - განაცხადა კალაძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ