იტალიის დედაქალაქში ვიზიტით მყოფ კრემლის ლიდერს ვლადიმერ პუტინს უკრაინული დიასპორის წარმომადგენლები საპროტესტო გამოსვლებით დახვდნენ. რომის ცენტრში მანიფესტაცია გაიმართა ლოზუნგით: „შევაჩეროთ პუტინის აგრესია უკრაინაში“. დიასპორის წევრებს ეკავათ ლოზუნგები: „პუტინ, ხელები შორს უკრაინისგან!“, „Putin go home“ და სხვა.

აქციის მონაწილეთა განცხადებით, დიქტატორი, რომელმაც დამოუკიდებელი სახელმწიფოს ნაწილის ოკუპაცია განახორციელა, არ იმსახურებს ასეთი მაღალი დონის მიღებას, რომელიც მას იტალიაში მოუწყეს.

მათივე თქმით, გამოდის, რომ იტალიაში დაავიწყდათ, რომ ევროპაში ომია და მისი ინიციატორი ვლადიმერ პუტინია.

რუსეთის პრეზიდენტი ოფიციალური ვიზიტით იტალიაში 4 ივლისს ჩავიდა.