ტუნისის პრემიერ-მინისტრმა იუსეფ ჩაჰედმა სახელმწიფო დაწესებულებებში უსაფრთხოების დაცვის მიზეზით, ნიქაბის სახის დასაფარი ვუალის ტარება აკრძალა. „როიტერსის“ ინფორმაციით, ეს გადაწყვეტილება მოჰყვა ძებნილი თვითმკვლელი ტერორისტის მიერ სამშაბათს განხორციელებულ აფეთქებას. ეს მესამე მსგავსი ინციდენტი იყო ბოლო ერთი კვირის განმავლობაში.
სამივე თავდასხმაზე პასუხისმგებლობა ტერორისტულმა ორგანიზაცია „ისლამურმა სახელმწიფომ“ აიღო.
ტუნისი შემოდგომაზე არჩევნების ჩატარებისთვის ემზადება, ამჟამად კი აქტიური ტურისტული სეზონია და ქვეყანას სტუმრების რეკორდული რაოდენობის ჩასვლის იმედი აქვს.