„თავისუფალი საქართველო“ საარჩევნო რეფორმის პროექტს აქვეყნებს

პარტია „თავისუფალი საქართველო“ მხარს უჭერს 2020 წელს არჩევნების პროპორციული სისტემით ჩატარებას, თუმცა ამავდროულად პარლამენტს მიმართავს წინადადებით იგივე სისტემა დადგინდეს, როგორც მუდმივი ნორმა და არა, როგორც გამონაკლისი 2020 წლისათვის.

ამასთან, როგორც „ინტერპრესნიუსს“ „თავისუფალი საქართველოდან“ აცნობეს, ისინი პარლამენტს სხვა წინადადებითაც მიმართავენ.

„მივმართავთ პარლამენტს წინადადებით, გადამუშავდეს საარჩევნო კოდექსი, ეუთოს რეკომენდაციების და წლების განმავლობაში ქართული პოლიტიკური სპექტრისა და სამოქალაქო საზოგადოების მიერ გამოთქმული შენიშვნების მიხედვით, სახელდობრ:

1. ცესკო და საოლქო კომისიები დაკომპლექტდეს 9 ძირითადი პარტიის მიერ პარიტეტულად; 2. ამომრჩევლის იდენტიფიკაცია საარჩევნო უბანზე განხორციელდეს ბიომეტრიული (ფოტოსურათის) პარამეტრების შედარების გზით. 3. არჩევნებში ამომრჩევლის მონაწილეობა სავალდებულოა; 4. არჩევნებში მონაწილე პარტიის საარჩევნო კამპანიის ხარჯები არ უნდა აღემატებოდეს 1 მილიონ ლარს (ბოლო არჩევნებში „ოცნების“ საარჩევნო ფონდი 13 მლნ ლარს შეადგენდა, „ნაცების“ - 2,6 მლნ. „თავისუფალი საქართველოსი“ – 66 000 ლარს. არალეგალურად „ოცნებამ“ და „ნაცებმა“ მინიმუმ 10-ჯერ მეტი თანხა გახარჯეს). 5. პარტიის შემომწირველი არ შეიძლება იყოს კომპანია, რომელსაც მოგებული აქვს სახელმწიფო ტენდერი. 6. პოლიტიკური თანამდებობის პირებს, მათ შორის, მინისტრებს ეკრძალებათ კამპანიის წარმოება დაქვემდებარებულ დაწესებულებაში. 7.აკრძალულია კამპანია საარჩევნო უბანზე და მიმდებარე ტერიტორიაზე. 8. ტელევიზიები ვალდებული არიან გააშუქონ (ახალ ამბებში) ყველა კვალიფიციური სუბიექტის კამპანია, აგრეთვე მოაწყონ დებატები ყველა კვალიფიციური სუბიექტის მონაწილეობით; 9. კვალიფიციურ პარტიას უფლება აქვს მოითხოვოს გადათვლა არანაკლებ 10 საარჩევნო უბანზე საკუთარი შერჩევით; 10. საარჩევნო დავებს განიხილავს საქალაქო და სააპელაციო სასამართლოების საარჩევნო პალატა, სადაც მოსამართლეების წარდგენა ხდება იუსტიციის საბჭოს მიერ ერთხმად“, - ნათქვამია ინფორმაციაში.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ