ეუთოს კომიტეტის მოწოდებას აფხაზეთის დე ფაქტო ხელისუფლება გამოეხმაურა

ეუთოს საპარლამენტო ასამბლეის პოლიტიკურ და უსაფრთხოების საკითხთა კომიტეტის მოწოდებას რუსეთისადმი, გააუქმოს აფხაზეთისა და ე.წ. სამხრეთ ოსეთის დამოუკიდებლობის აღიარება, აფხაზეთის დეფაქტო ხელისუფლება ეხმაურება. „რია ნოვოსტისთან“ საუბარში მარიონეტული რეჟიმის ე.წ. პარლამენტის ვიცე-სპიკერმა ლევონ გალუსტიანმა განაცხადა, რომ აღნიშნული მოწოდება ცალმხრივი და ანგაჟირებულია, რომელიც ღიმილსა და სინანულს იწვევს, რადგან ეს საქართველოს ხელისუფლების სასარგებლოდ მიღებული პირველი რეზოლუცია არ არის.

გალუსტიანის თქმით, სამწუხაროა, რომ ასეთი საერთაშორისო ორგანიზაცია იღებს ცალმხრივ, ანგაჟირებულ განცხადებებს.

„დასავლეთში ყურადღება უნდა გაამახვილონ თბილისის არა მხოლოდ რევანშისტულ განწყობებზე, არამედ აფხაზი ხალხის ტკივილზე, რომელმაც 90-იან წლებში ნამდვილი გენოციდი გადაიტანა. ეს ტრაგედია კი ქართულმა მხარემ მიაყენა აფხაზეთს. ასე რომ, ჯერ საკუთარი დანაშაული უნდა აღიარონ და ბოდიში მოიხადონ ჩვენი ხალხის წინაშე. შემდგომი ლოგიკური ნაბიჯი კი იქნება სახელმწიფოთაშორისი სრულფასოვანი ურთიერთობები აფხაზეთთან“, - განაცხადა გალუსტიანმა.

მისივე თქმით, აფხაზეთისა და რუსეთის პარტნიორობა მხოლოდ გაძლიერდება.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა