„ექსპო ჯორჯიაში“ მიკრო და მცირე მეწარმეობის ხელშეწყობის პროგრამის ბენეფიციარების პროდუქციის გამოფენა გაიმართება
8 ივლისს, საგამოფენო ცენტრ „ექსპო ჯორჯიას“ მე-3 პავილიონში, სააგენტო “აწარმოე საქართველოში“, “ქართულ მაღაზიათა ასოციაცია” და “საქართველოს დისტრიბუტორთა ბიზნეს ასოციაცია" მიკრო და მცირე მეწარმეობის ხელშეწყობის პროგრამის ბენეფიციარების პროდუქციის გამოფენას მართავს.
ღონისძიება საქართველოში წარმოებული პროდუქციის რეალიზაციის ხელშეწყობას ისახავს მიზნად. ღონისძიებაში 50-მდე მიკრო და მცირე პროგრამის ფარგლებში გამარჯვებული მეწარმე იღებს მონაწილეობას.
“გამოფენის ფარგლებში, ქართველ მეწარმეებს საშუალება ექნებათ თავიანთი პროდუქცია გააცნონ და B2B შეხვედრები გამართონ ქართულ მაღაზიათა ასოციაციისა და საქართველოს დისტრიბუტორთა ბიზნეს ასოციაციის წარმომადგენლებთან”, - აღნიშნულია სააგენტოს “აწარმოე საქართველოში“ მიერ გავრცელებულ ინფორმაციაში.
