ჟურნალისტ გიორგი გაბუნიას მიერ „რუსთავი 2“-ის ეთერში გაკეთებულ განცხადებებს სოციალურ ქსელში ეხმაურება პარტია „თავისუფალი საქართველოს“ ლიდერი კახა კუკავა. მისი შეფასებით, სახეზეა „მეხუთე კოლონის“ მოქმედებები.

„რამდენიმე დღის წინ პოლიტიკური სპექტრის ნაწილის მიმართ გამოვიყენე ტერმინი "ექსტრემისტები". კიდევ ერთხელ მინდა გავიმეორო: არანაირი ე.წ. "პროდასავლური ოპოზიცია", ლიბერალური მედია და არასამთავრობო ორგანიზაციები ჩვენ არ გვყავს. მათი სახით ჩვენ გვყავს მეხუთე კოლონა, რომელიც არ სცნობს არც ეროვნულ ინტერესებს, არც ეროვნულ ღირებულებებს და არც ადამიანურ ზნეობას. ან დასრულდება „მეხუთე კოლონა“ საქართველოში, ან „მეხუთე კოლონა“ დაასრულებს დამოუკიდებელ საქართველოს“, -აცხადებს კახა კუკავა.