დიმიტრი ცქიტიშვილი - სახელმწიფო და შსს მაქსიმალურს გააკეთებს იმისთვის, რომ თითოეული ადამიანის კონსტიტუციური უფლება იყოს დაცული, აქციის თუ კონტრაქციის

სახელმწიფო და შსს მაქსიმალურს გააკეთებს იმისთვის, რომ თითოეული ადამიანის კონსტიტუციური უფლება იყოს დაცული, აქციის თუ კონტრაქციის, - ამის შესახებ დეპუტატმა დიმიტრი ცქიტიშვილმა განაცხადა.

მან ისაუბრა „თბილისი პრაიდისა" და მისი კონტრაქციის, ასევე, ლევან ვასაძის განცხადებების შესახებ და აღნიშნა, რომ მთავარია თითოეული მოქალაქის კონსტიტუციური უფლებების დაცვა.

"ნებისმიერ შემთხვევაში, მომწონს თუ არ მომწონს, ყველა ადამიანს აქვს გამოხატვის თავისუფლება, ეს არის მნიშვნელოვანი. ჩემს გემოვნებაზე ეს არ არის. ამ შემთხვევაში ძალიან მარტივ პასუხს გვაძლევს ჩვენი კონსტიტუცია და კანონი - ყველას აქვს უფლება, გამოხატოს თავისი აზრი, თუ ეს გადავა ძალადობაში, სახელმწიფოს აქვს ვალდებულება, რომ აღკვეთოს ძალადობა. თუ ვასაძე გასცდება კანონიერ ჩარჩოებს, მასზე იქნება ისეთივე მოქმედება, როგორიც უნდა იყოს ნებისმიერი სხვა მოქალაქის მიმართ. რამდენადაც ვიცი, წინა შემთხვევაში საქმეც იყო აღძრული და თუ არ ვცდები, გამოკითხვებიც იყო. ვიცი, რომ არ იქნა დაშვებული ძალადობრივი ქმედებები. სახელმწიფო და შსს მაქსიმუმს გააკეთებს იმისთვის, რომ თითოეული ადამიანის კონსტიტუციური უფლება იყოს დაცული, თუნდაც აქციის თუ კონტრაქციის. არ ვაიგივებ, ყველას თავისი უფლება აქვს, თუმცა თუ იქნება ძალადობრივი აქტი, მოხდება ამის აღკვეთა", - განაცხადა ცქიტიშვილმა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის