„თბილისი პრაიდის“ საწინააღმდეგო აქციის მონაწილეთა ნაწილი, რომელიც პარლამენტის შენობის წინ კვლავ რჩება, პოლიცილების იმ კორდონთან მივიდა, რომელიც ანტისაოკუპაციო აქციის მონაწილეებს მათგან ყოფს.
პარლამენტის წინ შეკრებილები კორდონთამ მას შემდეგ მივიდნენ, რაც ანტისაოკუპაციო აქციაზე ხმამაღალი მუსიკა ისევ გაჟღერდა. როგორც აქციის ერთ-ერთმა მონაწილემ, დიმიტრი ლორთქიფანიძემ განაცხადა, ღამის 12 საათის შემდეგ, ხმამაღალი მუსიკის მოსმენა კანონდარღვევაა და პოლიციელების კორდონთან სწორედ ამის შესახსენებლად მივიდნენ.
"აქ გამოვედით იმიტომ, რომ კიდევ ერთხელ შევახსენოთ ბატონ პოლიციელებს, რომლებმაც ჩვენი შეგონების შემდგომ გამორთეს შესაბამისი სიხშირის მქონე მუსიკა, რომელიც კანონდარღვევა ღამის 12 საათის შემდეგ და წეღან ჩართული იყო ისევ და კიდევ თუ ჩართავენ, ისევ დავაყენებთ ამ საკითხს. ჩვენ აქ იმიტომ არ მოვსულვართ, რომ იმათ ნაბოდვარზე პასუხები გავცეთ", - განაცხადა დიმიტრი ლორთქიფანიძემ.