ქობულეთი ფესტივალს Kobuleti Fest 2019 უმასპინძლებს. 13 ივლისს, ყველაზე ფერადი და საინტერესო ფესტივალი საზაფხულო დეკორაციებით გაფორმებულ ქობულეთის ცენტრალურ პარკში გაიმართება და მასზე დასწრება ნებისმიერ მსურველს შეეძლება.
როგორც „ინტერპრესნიუსს“ აჭარის ტურიზმისა და კურორტების დეპარტამენტიდან აცნობეს, ფესტივალის სტუმრების განწყობაზე ადგილობრივი და მოწვეული დიჯეები Beka, Chiki, Toke, ასევე მუსიკალური ბენდები Melomaniak და Goofy Land იზრუნებენ.
მათივე ინფორმაციით, გაიმართება ფრანების შოუ, ცეცხლოვანი შოუ, საბავშვო გასართობი ღონისძიებები და ქართული, აღდგენილი მულტფილმების ჩვენება პარკის ამფითეატრში. ფესტივალის ფარგლებში პარკშივე იფუქნციონირებს ღია კაფე-ბარები, სადაც სასმელების, ნაყინის, ხილისა და კერძების შეკვეთა იქნება შესაძლებელი.
„14:00 - 17:30 - Beka
17:30 - 21:00 - Chiki
21:00 - 22:00 - Melomaniakk
22:00 - 23:00 - Goofy Land
23:00 - 03:00 - Toke
14:00 - 18:00 - ფრანების შოუ
14:00 - 19:00 - საბავშვო გასართობი ღონისძიებები
20:00 - მულტფილმების ჩვენება ამფითეატრში
21:00 - ცეცხლოვანი შოუ
21:30 - კოცონი
23:00 - ფოიერვერკი
ქობულეთის ფესტივალი ტრადიციული, გრანდიოზული ფოიერვერკით დასრულდება. ის აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით გაიმართება“, - ნათქვამია ინფორმაციაში.