პაპუა-ახალ გვინეაში ტომებს შორის ანგარიშსწორების დროს 24 ადამიანი დაიღუპა

პაპუა-ახალ გვინეაში ტომებს შორის სისხლიანი ანგარიშსწორების დროს სულ მცირე 24 ადამიანი დაიღუპა, მათ შორის ბავშვები და ფეხმძიმე ქალები. დაპირისპირება პაპუა-ახალი გვინეის ძნელად მისადგომ მთიან რეგიონში, პროვინცია ჰელაში მოხდა. თავდასხმა ორ სოფელზე მოხდა.

ქვეყნის პრემიერ-მინისტრმა ჯეიმს მარაპემ განაცხადა, რომ ეს იყო „ერთ-ერთი ყველაზე მძიმე დღე მის ცხოვრებაში“ და რომ დამნაშავეები აუცილებლად დაისჯებიან. მან განაცხადა, რომ დამნაშავეები სავარაუდოდ, არიან ტომების: ჰაგუის, ოკირუს და ლივის წარმომადგენლები.