კონსტანტინ კოსაჩოვი - მზად ვართ, შევხვდეთ ქართველ პარლამენტართა დელეგაციას

რუსეთის ფედერალური კრების ფედერაციის საბჭო მზად არის ქართველ პარლამენტართა დელეგაციას შეხვდეს, თუმცა ჯერ ასეთი წინადადება არ მიგვიღია, - განაცხადა ფედერაციის საბჭოს საერთაშორისო კომიტეტის თავმჯდომარემ კონსტანტინ კოსაჩოვმა.

მისივე თქმით, ადრე ყოველთვის ხვდებოდნენ ქართველ დეპუტატებს.

„თუ მომართვა იქნება, ახლაც მზად ვართ შესახვედრად“, - განაცხადა კონსტანტინ კოსაჩოვმა.

როგორც „რია ნოვოსტის“ საქართველოს პარლამენტის ფრაქცია „პატრიოტთა ალიანსის“ თავმჯდომარემ გიორგი ლომიამ განუცხადა, ისინი მოსკოვში კვირას აპირებენ ჩასვლას, სადაც დაგეგმილია სახელმწიფო სათათბიროში შეხვედრები.