ოკუპირებული „სამხრეთ ოსეთის“ ე.წ. საელჩო მოსკოვში აღშფოთებას გამოთქვამს რუსეთში საქართველოდან შესულ პროდუქციაზე საქართველოს რუკის არსებობის გამო, რომელშიც ე.წ. სამხრეთ ოსეთი და აფხაზეთი საქართველოს შემადგენელ ნაწილებად არის გამოსახული. შესაბამისი განცხადება გამოქვეყნებულია ე.წ. საელჩოს საიტზე.

„საქართველოში ფაქტობრივი რუკის გამოქვეყნება სისხლის სამართლის დანაშაულია ოკუპირებული ტერიტორიების შესახებ კანონის თანახმად”, - ნათქვამია ე.წ. საელჩოს განცხადებაში.