„ათასწლეულის გამოწვევის ფონდი - საქართველოს“ ორგანიზებით, კონკურსის და კამპანიის #მოვუაროთსკოლას, იმერეთის რეგიონის გამარჯვებული სკოლა დაჯილდოვდა

ქუთაისის N17-ე საჯარო სკოლაში, „ათასწლეულის გამოწვევის ფონდი - საქართველოს“ ორგანიზებით, კონკურსის და კამპანიის #მოვუაროთსკოლას, იმერეთის რეგიონის გამარჯვებული სკოლა დაჯილდოვდა. კონკურსი სასწავლო წლის დასაწყისში დაიწყო და მასში მონაწილეობის მიღება ფონდის მიერ რეაბილიტირებულ საჯარო სკოლებს შეეძლოთ. პროექტში რეგიონის არაერთი სკოლა ჩაერთო. შედეგად, ჟიურიმ სამი გამარჯვებული სკოლა გამოვლინა, რომლებმაც სკოლის მოვლის გრძელვადიანი და თანმიმდევრული გეგმა შეიმუშავეს.

ერთ-ერთ გამარჯვებულ სკოლას „ათასწლეულის გამოწვევის ფონდი - საქართველოს“ დირექტორი მაგდა მაღრაძე ეწვია, მან გამარჯვებულ სკოლას სპეციალური ჯილდო და სკოლის აღჭურვილობა გადასცა.

„დღეს ვეწვიეთ ქუთაისის N17 საჯარო სკოლას, რომელსაც გადავეცით ჯილდო და სკოლის აღჭურვილობა - სმარტბორდი. გვჯერა ახალი სასკოლო ტექნიკა კიდევ უფრო გააძლიერებს და გააფართოებს იმ ინვესტიციას, რომელიც ათაწლეულის გამოწვევის ფონდმა ჩადო სკოლების რებილიტაციაში. პროექტის ფარგლებში 91 საჯარო სკოლა რეაბილიტირდა, ხოლო წელს 33 სკოლა განახლდა. აქედან 15 საჯარო სკოლა იმერეთის რეგიონიდანაა, ხოლო 8 ქუთაისში,”- განაცხადა მაგდა მაღრაძემ.

ინოვაციური კამპანია #მოვუაროთსკოლას მეორე წელია რაც იმართება და მისი მიზანია, საჯარო სკოლების მოვლა-პატრონობის შემუშავებული პოლიტიკის განხორციელების წახალისება. პროექტი ხელს უწყობს მოსწავლეების, მასწავლებლების, სკოლის ადმინისტრაციის და ადგილობრივი თემის ცნობიერების ამაღლებას და სკოლის მოვლის საკითხში პასუხისმგებლობის გაზიარებას.

#მოვუაროთსკოლას ხორციელდება ათასწლეულის გამოწვევის ფონდის ინიციატივით და ემსახურება მსოფლიოში აპრობირებული მიდგომის, მოსწავლეების, პერსონალისა და თემის მიერ საკუთარ სკოლაზე ზრუნვის, დანერგვას საქართველოში. კამპანიის მიზანია სკოლაზე ზრუნვის, მისი დასუფთავების, მოწესრიგების და მოვლის პასუხისმგელობის გაზიარება და ამ მიმართულებით, საქართველოში არსებული საუკეთესო პრაქტიკის გავრცობა-პოპულარიზაცია.

2013 წელს აშშ-ის ათასწლეულის გამოწვევის კორპორაციასა და საქართველოს მთავრობას შორის ხელი მოეწერა მეორე, 140 მილიონი აშშ დოლარის გრანტს (კომპაქტს), რომლის მიზანია საქართველოში სიღარიბის დაძლევა და ეკონომიკური ზრდის ხელშეწყობა ზოგადი, ტექნიკური, პროფესიული და უმაღლესი განათლების ხარისხის განვითარების გზით. კომპაქტი ძალაში შევიდა 2014 წლის 1 ივლისს და ხორციელდება ხუთი წლის განმავლობაში ათასწლეულის გამოწვევის ფონდი - საქართველოს მიერ.

პროექტის შედეგად სასწავლო გარემო გაუმჯობესდა 39,000-ზე მეტი მოსწავლისათვის საქართველოს რეგიონებში 91 საჯარო სკოლის სრული რეაბილიტაციით, თანამედროვე საბუნებისმეტყველო ლაბორატორიებით აღჭურვითა და ავეჯისა და ინვენტარის განახლებით.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა