ოკუპირებულ აფხაზეთში  საქართველოს მოქალაქე არასრულწლოვან შვილთან ერთად დააკავეს

ოკუპირებულ აფხაზეთში საქართველოს მოქალაქე, 1983 წელს დაბადებული ბეგლარ წილოსანი არასრულწლოვან ქალიშვილთან, თინათინ წილოსანთან ერთად დააკავეს. შემთხვევა გუშინ მოხდა.

როგორც სახელმწიფო უსაფრთხოების სამსახურში „ინტერპრესნიუსს“ განუცხადეს, შინაგან საქმეთა სამინისტროსა და საქართველოში ევროკავშირის სადამკვირვებლო მისიის (EUMM) ჩართულობის შედეგად, თინათინ წილოსანი უკვე იმყოფება საკუთარ ოჯახში, საქართველოს ხელისუფლების მიერ კონტროლირებად ტერიტორიაზე. რაც შეეხება მამაკაცს, უწყებაში აცხადებენ, რომ მისი უკანონო პატიმრობიდან გასათავისუფლებლად მიმდინარეობს აქტიური მუშაობა, გააქტიურებულია ,,ცხელი ხაზი" და ინფორმირებულია საერთაშორისო ორგანიზაციები.

დე ფაქტო რესპუბლიკის ე.წ. უსაფრთხოების სამსახურმა წილოსანი შვილთან ერთად ახალ ათონში დააკავა.

ე.წ. უსაფრთხოების სამსახურის ვებ-გვერდზე გამოქვეყნებული ინფორმაციის თანახმად, წილოსანი ცდილობდა უკანონოდ გადაელახა დე ფაქტო აფხაზეთის რესპუბლიკის ე.წ. საზღვარი. დაკავებული მამაკაცი კი გალის იზოლატორშია მოათავსებული.

ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
“პარტია ალეკო ელისაშვილი - მოქალაქეების” ერთ-ერთი ლიდერი ლევან იოსელიანი - ჩვენ უნდა დავიწყოთ ახალი სასამართლო სისტემის  მშენებლობა
ქართული პრესის მიმოხილვა 27.10.2020
ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს