ომბუდსმენი მოსამართლეობის კანდიდატებზე - სავარაუდოდ, იმ ადამიანების სია, ვინც იუსტიციის საბჭოს წევრების მხრიდან უნდა შერჩეულიყო, წინასწარ იყო შეთანხმებული

სავარაუდოდ, იმ ადამიანების სია, ვინც იუსტიციის საბჭოს წევრების მხრიდან უნდა შერჩეულიყო, წინასწარ იყო შეთანხმებული, - ამის შესახებ სახალხო დამცველმა ჟურნალისტებს უზენაესი სასამართლოს მოსამართლეობის კანდიდატების შერჩევის პროცესთან დაკავშირებით განუცხადა. მისი თქმით, 137-დან 50 კანდიდატის შერჩევის პროცესში, დაახლოებით, 10 ბიულეტენში მაღალი ალბათობით წინასწარ შეთანხმებული კანდიდატები იყო შემოხაზული.

„პირველი კენჭისყრა ჩატარდა კანდიდატების შესარჩევად და ჩვენ ვნახეთ, რომ დაახლოებით 137 კანდიდატიდან შეირჩა 50 კანდიდატი და აქედან დაახლოებით 10 ბიულეტენი ვნახეთ, სადაც მაღალი ალბათობით წინასწარ შეთანხმებული კანდიდატები იყო შემოხაზული. არის რამდენიმე ბიულეტენი, სადაც ზუსტად 20 იდენტური კანდიდატია შემოხაზული და ასევე, არის ბიულეტენები, სადაც 10-15 იდენტური კანდიდატია შემოხაზული. ეს გვაფიქრებინებს, რომ სავარაუდოდ, იმ ადამიანების სია, ვინც იუსტიციის საბჭოს წევრების მხრიდან უნდა შერჩეულიყო, წინასწარ იყო შეთანხმებული, იმიტომ, რომ ძალიან მაღალია დამთხვევის მაჩვენებელი. თუმცა, ჩვენ წინ გვაქვს გასაუბრების ეტაპი, რომელიც ალბათ, ყველაზე გადამწყვეტი იქნება და ყველა დამკვირვებელი დაინახავს, რამდენად სამართლიანი და თანაბარი იქნება საბჭოს წევრების მხრიდან კანდიდატებისადმი მიდგომა. ბოლო ეტაპზე, პარლამენტმა უნდა აიღოს პოლიტიკური პასუხისმგებლობა იმ კანდიდატებზე, ვინც შერჩეული იქნება. ჩვენ ამ პროცესის დაკვირვების შედეგად შესაძლებლობა გვექნება შევაფასოთ, აქვთ თუ არა ლეგიტიმაცია საბოლოოდ არჩეულ კანდიდატებს. რა თქმა უნდა ის, რაც გამოვავლინეთ, კითხვის ნიშნებს ნამდვილად ბადებს, თუმცა ვფიქრობ, კიდევ მნიშვნელოვანი პროცესები გვაქვს წინ, რომელზე დაკვირვების შემდეგაც გვექნება შეფასებების გაკეთების შესაძლებლობა,“ - განაცხადა ნინო ლომჯარიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს