არჩილ თალაკვაძემ განმარტა, რატომ არ დაესწრო გიორგი გახარია ბათუმის კონფერენციას

გიორგი გახარიას სხვა გეგმები ჰქონდა დღის მეორე ნახევარში, - ასე უპასუხა პარლამენტის თავმჯდომარე არჩილ თალაკვაძემ ჟურნალისტების კითხვას, რატომ შეიცვალა თავდაპირველი დღის წესრიგი, რომლის მიხედვითაც შს მინისტრი ბათუმის საერთაშორისო კონფერენციას უნდა დასწრებოდა.

ჟურნალისტების კითხვაზე, ჰქონდა თუ არა გახარიას უფრო მნიშვნელოვანი გეგმები, ვიდრე ევროპელ პარტნიორებთან შეხვედრაა, თალაკვაძემ უპასუხა, რომ ეს მინისტრის გადასაწყვეტია.

„მე მგონი ცოტა უცნაურია, რომ პარლამენტის თავმჯდომარეს სთხოვთ განმარტებას, მინისტრს როგორ შეეცვალა სამუშაო განრიგი, თუმცა მე მაინც არ ავარიდებ თავს კითხვას. მას სხვა გეგმები ჰქონდა დღის მეორე ნახევარში და შესაბამისად, ვერ დაესწრო კონფერენციის პირველ სამუშაო დღეს. ევროპელ პარტნიორებს შეხვდნენ პრეზიდენტი, პრემიერი, პარლამენტის თავმჯდომარე. შესაბამისად, თუ შს მინისტრმა თავის სამუშაო დღის წესრიგის შეცვლის გადაწყვეტილება მიიღო, ეს მისი გადასაწყვეტია“, - განაცხადა არჩილ თალაკვაძემ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში