ყოფილი ევროპარლამენტარი - ევროპა მხარს უჭერდა პროპორციულ არჩევნებზე გადასვლას 2020 წელს

ინტერესით დავაკვირდებით პროპორციულ არჩევნებს, საქართველოს პოლიტიკური სპექტრი ამჟამად საკმაოდ დაყოფილია. კარგია, რომ პოლიტიკური დიალოგის წარმოების ვალდებულება გაჩნდება პოლიტიკური დაპირისპირებისა და ესკლაციის გარეშე,- ამის შესახებ ყოფილმა ევროპარლამენტარმა კლერ მუდიმ ბათუმში გამართული საერთაშორისო კონფერენციის ფარგლებში განაცხადა, რომელიც აღმოსავლეთ პარტნიორობის დაფუძნების 10 წლისთავს ეძღვნება.

ყოფილმა ევროპარლამენტარმა ჟურნალისტებს განუცხადა, რომ ევროპა მხარს უჭერდა პროპორციულ არჩევნებზე გადასვლას 2020 წელს, შესაბამისად, ისინი მიესალმებიან საქართველოს მთავრობის გადაწყვეტილებას.

„ჩვენ საქმის კურსში ვართ საპროტესტო აქციების თაობაზე და იმაზეც, თუ რას აპროტესტებს ხალხი. ევროპა მხარს უჭერდა პროპორციულ არჩევნებზე გადასვლას 2020 წელს. ჩართული ვიყავით საკონსტიტუციო ცვლილებების განხილვაში მანამდეც და იმედი გვქონდა, რომ კონსტიტუციაში მოხვდებოდა მუხლი პროპორციული არჩევნების შესახებ. კმაყოფილები ვართ და მივესალმებით რომ ეს ახლა მოხდა. მიგვაჩნია, რომ ეს არის წინგადადგმული ნაბიჯი. ჩვენ ინტერესით დავაკვირდებით პროპორციულ არჩევნებსაც. პრორციული სისტემის თავისებურება იმაშია, რომ მზად უნდა იყოთ თანამშრომლობისთვის არჩევნების შემდეგ“,- აღნიშნა კლერ მუდიმ.

ყოფილი ევროპარლამენტარისთვის საინტერესოა, როგორ იმუშავებენ პოლიტიკოსები ერთად საქართველოს მოქალაქეების ინტერესების შესაბამისად.

„საქართველოს პოლიტიკური სპექტრი ამჟამად საკმაოდ დაყოფილია. ვფიქრობ, კარგია, რომ პოლიტიკური დიალოგის წარმოების ვალდებულება გაჩნდება პოლიტიკური დაპირისპირებისა და ესკლაციის გარეშე. საინტერესოა, როგორ იმუშავებენ პოლიტიკოსები ერთად საქართველოს მოქალაქეების ინტერესების შესაბამისად და ევროპასთან უფრო ახლო უერთიერთობების ასაგებად“,- განაცხადა კლერ მუდიმ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში