აზერბაიჯანში 500 წლოვანი ხის ტოტის მოტეხვის შედეგად 19 ადამიანი დაშავდა
აზერბაიჯანში შეკინელი ხანების რეზიდენციის ტერიტორიაზე 500 წლოვანი ხის ტოტის მოტეხვის შედეგად, 19 ადამიანი დაშავდა, მათ შორის ტურისტები. ამის შესახებ აზერბაიჯანის ჯანდაცვის სამინისტრო იუწყება.
მათივე ცნობით, ყველა დაშავებულმა საავადმყოფოებს მიმართა, რომელთაგან ორი სამკურნალო დაწესებულებაში მოთავსდა და მათი მკურნალობა მიმდინარეობს. სპეციალურად დაშავებულებისთვის ბაქოდან კვალიფიციური მედპერსონალის გამოძახება გახდა საჭირო. დაშავებულებს შორის უცხოელებიც არიან.
აზერბაიჯანში მომხდარი ინციდენტი პირად კონტროლზე აიყვანა ქვეყნის პრეზიდენტმა.
