პეკინის ქუჩაზე „აიტექნიკსის“ მაღაზია გაქურდეს. დამნაშავეებმა მაღაზიის შუშა ჩაამტვრიეს, მაღაზიაში შეაღწიეს და მობილური ტელეფონები წაიღეს.

არსებული ინფორმაციით, მაღაზიის დატოვებისას მათ რამდენიმე ტელეფონი პეკინის ქუჩაზე დაუვარდათ.

როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 177-ე მუხლით დაიწყო რაც ქურდობას გულისხმობს. ამ დროისთვის ადგილზე პოლიცია საგამოძიებო მოქმედებებს ატარებს.