ეროვნული მუზეუმი - კოლექციებსა და ფონდებში დაცულ საგანძურს არანაირი საფრთხე არ ემუქრება

საქართველოს ეროვნული მუზეუმი განცხადებას კიდევ ერთხელ ავრცელებს. როგორც მუზეუმში აცხადებენ, საქართველოს ეროვნული მუზეუმის კოლექციებსა და ფონდებში დაცულ საგანძურს არანაირი საფრთხე არ ემუქრება და არ შეიძლება დაემუქროს, რადგან მუდმივად მიმდინარეობს ზრუნვა კოლექციების უსაფრთხოების ნორმების კიდევ უფრო გაუმჯობესებასა და კულტურული მემკვიდრეობის მოძრავი ძეგლების მოვლა-პატრონობაზე.

მათივე განმარტებით, ეს პროცესი არის გამჭვირვალე და მასში ჩართულია არაერთი დაინტერესებული მხარე.

„ამჟამად, ხელოვნების მუზეუმში მიმდინარეობს რეგულარული სამუზეუმო საქმიანობა - კოლექციების აღრიცხვა-შეჯერების, მონიტორინგისა და გეგმური რესტავრაცია-განახლების პროცესები. სარესტავრაციოდ შერჩეული ნივთის განთავსება ხდება ხელოვნების მუზეუმის სარესტავრაციო ლაბორატორიაში, მისი საჭიროებისამებრ, რესტავრაციის, ფიქსაციის ან გაწმენდის მიზნით.

მიუხედავად იმისა, რომ ხელოვნების მუზეუმში, ამჯერად დროებითი გამოფენების დარბაზი დახურულია, იმისათვის რომ დამთვალიერებლისათვის ხელოვნების მუზეუმის კოლექცია იყოს ხელმისაწვდომი, ჩვენი თანამშრომლები პარალელურად აგრძელებენ საგამოფენო საქმიანობას. ხელოვნების მუზეუმის კოლექციები პერიოდულად იფინება ეროვნული მუზეუმის ინსტიტუციაში მყოფ სიღნაღის მუზეუმსა და ეროვნულ გალერეაში. ამ ეტაპზე მიმდინარეობს მზადება გამოფენისთვის „ვალერიან სიდამონ-ერისთავი 130,“ რომელიც სიღნაღის მუზეუმში 17 ივლისიდან უმასპინძლებს დამთვალიერებელს“, - აღნიშნულია ინფორმაციაში.

შეგახსენებთ, რომ „პატრიოტთა ალიანსი“ საზოგადოების ნაწილთან ერთად მოითხოვს, აიკრძალოს ხელოვნების მუზეუმის ისტორიული შენობის რემონტის საბაბით იქ დაცული კოლექციების და განსაკუთრებით ოქროს ფონდის სხვა სივრცეებში გადატანა; მოწესრიგდეს ხელოვნების მუზეუმის XX საუკუნის ოთხმოციან წლებში ფონდსაცავებისთვის აგებული კორპუსი; ამ სივრცეში განთავსდეს ხელოვნების მუზეუმის კოლექციები და ამის შემდეგ, საერთაშორისო სამუზეუმო წესების დაცვით დაიწყოს ისტორიული ნაგებობის აღდგენითი სამუშაოები.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა