ნიკა მელია - გმირები არიან ის ვაჟკაცები, რომლებსაც თქვენ და გახარია ერეკებით ციხეებში, დიახაც, ისინი უწევდნენ წინააღმდეგობას ჩუბინიძის, გახარიას და ივანიშვილის რაზმებს

გმირები არიან ის ვაჟკაცები, რომლებსაც თქვენ და გახარია ახლა ერეკებით ციხეებში მხოლოდ იმიტომ, რომ მათ გააპროტესტეს ქვეყანაზე თავლაფის დასხმა და გააპროტესტეს რუსი ოკუპანტის ზვიად გამსახურიდიას სავარძელში ჩაჯდომა, - ამის შესახებ „ნაციონალური მოძრაობის“ ლიდერმა ნიკა მელიამ ჟურნალისტებს განუცხადა, როდესაც „ქართული ოცნების“ თავმჯდომარის ბიძინა ივანიშვილის განცხადებებზე საუბრობდა.

როგორც მელიამ აღნიშნა, „ეს ადამიანები უწევდნენ წინააღდეგობას ჩუბინიძის, ივანიშვილის და გახარიას რაზმებს, იმ რაზმებს, რომლებიც ბიძინა ივანიშვილის სასახლეში ღამეს ათევენ“.

„ძალიან დიდი უმეცრებაა იფიქრო იმაზე, რომ თქვენ შეინარჩუნოთ ძალაუფლება ამ ქვეყანაში, ეს არის გამორიცხული. თქვენ ხართ წარსული და ახლა როგორც არასდროს, ერი გამთლიანებულია. მიუხედავად აზრთა სხვადასხვაობისა, არჩევანი არის ძალიან მარტივი - ან რუსეთი ან დასავლეთი, ან ისტორიის სწორი მხარე, ან ისტორიის არასწორი მხარე. ან ავტობუსების სწორი მხარე, ან ავტობუსების არასწორი მხარე. რამდენი ადამიანიც არ უნდა დააკავოთ, რამდენი გმირიც არ უნდა დაიჭიროთ და შერეკოთ ციხეში, თქვენ თავს ვერ იხსნით, თქვენ აუცილებლად პასუხს აგებთ ისტორიის წინაშე და დამოუკიდებელი პირუთვნელი მართლმსაჯულების წინაშეც. დიახაც, გმირები არიან ის ვაჟკაცები, რომლებსაც თქვენ და გახარია ახალ ერეკებით ციხეებში მხოლოდ იმიტომ, რომ მათ გააპროტესტეს ქვეყანაზე თავლაფის დასხმა და გააპროტესტეს რუსი ოკუპანტის ზვიად გამსახურდიას სავარძელში ჩაჯდომა. არანაირ წინააღმდეგობაში არ იყვნენ ისინი შესული ქვეყნის და სახელმწიფოს სპეცდანიშნულების რაზმთან. ისინი დიახაც, უწევდნენ წინააღმდეგობას, მაგრამ უწევდნენ წინააღდეგობას თქვენ რაზმებს, ჩუბინიძის, ივანიშვილის და გახარიას რაზმებს. იმ რაზმებს, რომლებიც ბიძინა ივანიშვილის სასახლეში ათევენ ღამეს და ყარაულობენ ბიძინა ივანიშვილს და არ ატარებენ სახელმწიფო ინტერესებს. რამდენიმე ასეული ადამიანი, სპეცრაზმი რომ დაარქვეს, არიან ბიძინა ივანიშვილის და რუსეთის ფედერაციის ინტერესების სამსახურში. ჩემთვის 20 ივნისის შემდეგ „ქართული ოცნება“ აღარ არის სუვერენული ხელისუფლება. „ქართული ოცნება“ წარმოადგენს საოკუპაციო ძალის ინტერესების ღიად გამტარებელ ხელისუფლებას“, - განაცხადა ნიკა მელიამ.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ