პარლამენტთან აქცია განახლდა
პარლამენტის წინ შს მინისტრის გიორგი გახარიას გადადგომის მოთხოვნით აქცია განახლდა. აქციის ორგანიზატორები და ის ადამიანები, ვინც გიორგი გახარიას თანამდებობაზე ყოფას აპროტესტებენ 28-ე დღეა, რაც პარლამენტის მიმდებარე ტერიტორიაზე იკრებებიან.
აქციის ორგანიზატორების თქმით, ისინი მანამდე არ შეწყვეტენ პროტესტს სანამ გიორგი გახარია დაკავებულ პოსტს არ დატოვებს.
დღეს პარლამენტის წინ მიმდინარე აქცია განსხვავებული ფორმატისაა. აქ წარმოდგენილი არის რამდენიმე წიგნის მაღაზია და გამომცემლობა. ორგანიზატორების თქმით, გაყიდული წიგნების რამდენიმე პროცენტი აქციის ორგანიზებისთვის გამოყოფილ ანგარიშზე გადაირიცხება.
