გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. როგორც „ინტერპრესნიუსს“„ენერგო-პრო ჯორჯიადან“ აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 18 ივლისს, 11:00-დან 16:00 საათამდე ენერგომომარაგება დროებით შეეზღუდებათ მომხმარებლებს თიანეთის მუნიციპალიტეტის სოფლებში სიონი და ორხევი.

მათივე ინფორმაციით, 08:00-დან 18:00 საათამდე ელექტროენერგია შეუწყდება აბონენტებს დუშეთის მუნიციპალიტეტის სოფლებში ზენუბანი, ჩიტაურები, ჭართალი, 13:00-დან 18:30 საათამდე - დაბა ფასანაურში და სოფლებში ხევშა, ჭიკაანი, ქავთარაანი, ჟიჟონი და მიმდებარე სოფლებში.

კომპანიის ინფორმაციით, სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.