ზუგდიდის ქუჩების რეაბილიტაცია მიმდინარეობს

საავტომობილო გზების დეპარტამენტი, მთავრობის განკარგულებით, ქალაქ ზუგდიდის ადგილობრივი მნიშვნელობის ქუჩების რეაბილიტაციას ახორციელებს.

როგორც „ინტერპრესნიუსს“ საავტომობილო გზების დეპარტამენტიდან აცნობეს, სარეაბილიტაციო სამუშაოები აქტიურად მიმდინარეობს თამარ მეფის 2.3 კმ-იან ქუჩაზე რომლის ღირებულება 5 373 373 ლარია და კონსტანტინე გამსახურდიას 2.4 კმ-იან ქუჩაზე - პროექტის ღირებულება 4 744 444 ლარია. ორივე ქუჩის სარეაბილიტაციო სამუშაოების დასრულება 2019 წლის დეკემბერშია დაგეგმილი. აღნიშნული ქუჩები მჭიდროდ დასახლებულია და ქალაქ ზუგდიდის სატრანსპორტო ქსელის მნიშვნელოვან არტერიას წარმოადგენს.

მიმდინარე სამუშაოებს საქართველოს რეგიონული განვითარებისა და ინფრასტრუქტურის მინისტრის პირველი მოადგილე, საავტომობილო გზების დეპარტამენტის თავმჯდომარე ირაკლი ქარსელაძე ადგილზე გაეცნო.

ქალაქ ზუგდიდში, საავტომობილო გზების დეპარტამენტს, დამატებით რამდენიმე ქუჩის რეაბილიტაცია აქვს დაგეგმილი: 2019 წელსვე დაიწყება ქალაქ ზუგდიდის თაბუკაშვილის ქუჩის 1,5 კმ-იანი მონაკვეთის, ჯანაშიას და ხელაიას ქუჩების 2 კმ-იანი მონაკვეთის, ზვიად გამსახურდიას ქუჩის 1.5 კმ-იანი მონაკვეთის, ლაზის ქუჩის 2 კმ-იანი მონაკვეთის, ჩიქობავას ქუჩის 1.65 კმ-იანი მონაკვეთის, ბარამიას ქუჩის 1.25 კმ-იანი მონაკვეთის და ქობულეთის ქუჩის 0,5 კმ-იანი მონაკვეთის რეაბილიტაცია.

ჯამში, ზუგდიდის 9 ქუჩაზე სრულად მოწესრიგდება საგზაო ინფრატსრუქტურა და საინიაღვრე სისტემები, რაც ზუგდიდის მოსახლეობას საშუალებას მისცემს განახლებული და კომფორტული გზებით გადაადგილდნენ ქალაქის მასშტაბით. აღნიშნული ქუჩების რეაბილიტაციის დასრულება წლის ბოლოსთვის იგეგმება.

საავტომობილო გზების დეპარტამენტის ცნობით, სამეგრელო-ზემო სვანეთის რეგიონში, ამ დროისთვის სარეაბილიტაციო სამუშაოები 15 ობიექტზე მიმდინარეობს, რომელთა ჯამური ღირებულება 48.1 მლნ ლარია. ასევე მიმდიანრეობს ერთი ნაპირსამაგრი და სტიქიის პრევენციის სამი პროექტი, რომელთა ჯამური ღირებულება 3,4 მლნ. ლარია. 5 პროექტზე სატენდერო პროცედურები მიმდინარეობს, რომელთა ჯამური ღირებულება 27.6 მლნ ლარია, ხოლო 19 პროექტზე, რომელთა სავარაუდო ჯამური ღირებულება 45.9 მლნ. ლარია წლის განმავლობაში ტენდერი გამოცხადდება და სამუშაოები დაიწყება.

2019 წლის განმავლობაში, სამეგრელო-ზემო სვანეთის რეგიონში სულ 4 პროექტი დასრულდა, მათი ჯამური ღირებულება 17.5 მლნ. ლარს შეადგენს, - აღნიშნულია ინფორმაციაში.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა