ეს არ არის მხოლოდ და მხოლოდ ჩემი გადასაწყვეტი. არხის მესაკუთრის ნებაა ამ შემთხვევაში გადამწყვეტი, - ამის შესახებ „რუსთავი 2“-ის ახალმა გენერალურმა დირექტორმა პაატა სალიამ არხის ჟურნალისტების მოთხოვნებთან დაკავშირებით საუბრისას განაცხადა.
მისი თქმით, იმ გეგმას, რომელიც დღეს „რუსთავი 2“-ის ჟურნალისტებმა ახალ მფლობელსა და დირექტორს წარუდგინეს, გაეცნობა და პასუხს მედიას ხვალ გასცემს.
„პირველ რიგში, არასწორი იქნება ახლა პასუხი გაგცეთ კი ან არა ფორმით, იმიტომ, რომ ჯერ არ გვისაუბრია ქიბარ ხალვაშთან ამასთან დაკავშირებით. ეს არ არის მხოლოდ და მხოლოდ ჩემი გადასაწყვეტი. არხის მესაკუთრის ნებაა ამ შემთხვევაში გადამწყვეტი. მე გითხარით კიდეც, გავეცნობი დეტალურად, ვნახავ ვისზეა საუბარი, ვისი შედგენილია, რას ითხოვენ კონკრეტულად, ვიზე მიუთითებენ და ა.შ. პასუხს ხვალ გაგცემთ.“ - განაცხადა პაატა სალიამ.
იხილეთ ვიდეო: პაატა სალია "რუსთავი 2-ის" თანამშრომლების მოთხოვნაზე